Psa 129 | YomNWM | STEP | Nkunga wunyimbudulu mu nzila yikuendila ku nzo Yave. Bandiamisa ngolo tona mu bumuana buama, bika Iseli katuba.

Psalms 129

Mu phasi ndiba vayi ndisia vonga ko

Nkunga wunyimbudulu mu nzila yikuendila ku nzo Yave.

1 Bandiamisa ngolo tona mu bumuana buama,
bika Iseli katuba.
2 Bandiamisa ngolo tona mu bumuana buama
vayi basia ku ndunga ko.
3 Minkuni midima manima mama ;
batula muawu minkala miawu mimula.
4 Vayi Yave widi wusonga ;
niandi wuzenga minsinga mi batu bambimbi muingi ndiba mu kiphuanza.
5 Bika babo beti lenda Sioni bavutuka fua tsoni.
6 Bika baba banga biti bi mbata muanzu,
biobi bieti yuma tuamina biyunduka ;
7 biobi mvedi kalendi wesa mu mioko miandi ko ;
voti mutu wowo wunkanga mvumba kalendi wesi mu mioko miandi ko.
8 Bika bobo bamviokila vana babika tuba :
“lusakumunu lu Yave lubanga yeno !
Tueti kulusakumuna mu dizina di Yave !”